ОЛИЙ ЎҚУВ ЮРТЛАРИ НОФИЛОЛОГИК ЙЎНАЛИШ ТАЛАБАЛАРИНИНГ ХОРИЖИЙ ТИЛДАГИ ОҒЗАКИ НУТҚ КЎНИКМАЛАРИНИ РИВОЖЛАНТИРИШ
Abstract
Хорижий тилларни ўқитиш замонавий методикасида узлуксиз таълим тизимининг барча босқичларида, хусусан, олий таълимда ҳам оғзаки нутқ компетенциясини ривожлантириш муҳим аҳамият касб этади. Айни даврда иқтисодий-ижтимоий, таълим ва бошқа соҳаларда халқаро алоқаларнинг тобора кенгайиши тайёрланаётган кадрларда айнан оғзаки нутқ компетенциясини ривожлантириш масаласини нечоғли долзарблигини изоҳлайди. Олий ўқув юртлари нофилологик таълим йўналиши талабаларининг чет тилидаги оғзаки нутқ компетенциясини ривожлантириш, мулоқотнинг тўғри ва унумли юритилишини таъминлаш психологик-лингвистик омилларга жиддий эътибор қаратишни талаб этмоқда. Чет тилларини ўқитиш методикаси соҳасидаги илмий изланишлар натижалари шуни кўрсатадики, айнан психолингвистик факторларга етарлича аҳамият қаратмаслик, талабаларнинг ўрганилаётган хорижий тилда эркин мулоқот қилолмаслиги, оқибатда бошқа тил кўникмаларининг ҳам талаб даражасида ривожланмаслиги ва сусайишига олиб келади. Мақола доирасида нофилологик таълим йўналиши талабаларига хорижий тилларни ўқитишда оғзаки нутқ компетенциясини ривожлантириш жараёнидаги психологик ва лингвистик жиҳатларни таҳлил қилиш, мавжуд муаммо ва камчиликларни аниқлаш ва уларни бартараф этиш усулларини кўриб чиқиш мақсад қилинган. Ишнинг якуний натижаси сифатида ушбу жараёнда доминант функцияларни бажарувчи асосий психолингвистик факторлар кўрсатилади.
Not yet translated