ГАЗЕТА МАТНЛАРИНИНГ СТАНДАРТЛИК ДАРАЖАСИ: КЛИШЕ ВА ШТАМПЛАРНИНГ СТИЛИСТИК ҲАМДА СЕМАНТИК ХУСУСИЯТЛАРИ
Abstract
Бугунги кунда замонавий газета матни турли хил троп ва фигуралар, фразеологик бирликлар, мақоллар, маталлар, иборалар каби экспрессив-эмоционалликни оширувчи тил воситалари билан бойитилмоқда. Шунга қарамай, стандарт матн тузилмаларига бўлган эҳтиёж ҳанузгача долзарблик касб этиб келмоқда. Шу боис, газета матнларининг стандартлик даражаси олимлар томонидан ўрганилмоқда ва янгидан-янги изланишлар олиб борилмоқда. Маълумки, газета матнини шакллантиришга хизмат қиладиган асосларнинг бир тури сифатида қабул қилинган ҳамда стандарт тузилмаларга тегишли бўлган нутқий штамп ва клишелар барқарор, ўзига хос, такрорланувчи, ўз навбатида, эсда қоларли шаклга эга семантикаси билан ажралиб туради. Кўпгина тадқиқотчиларнинг фикрига кўра, стереотип бирликларнинг клише ва штампланиши стереотиплик категорияси, стереотип ибораларнинг бирлигини ташкил этувчи умумий хусусият бўлиб хизмат қилади. Мақолада клише ва штампларнинг таърифлари, уларнинг ўзига хос хусусиятлари ва белгилари ҳақида маълумотлар берилган. Клише ва штампларнинг стилистик ва семантик хусусиятлари, стереотиплик категорияси турли усуллар орқали таҳлил қилинган. Шунингдек, стереотип иборалар ва атамалар ўртасидаги фарқлар, уларнинг захирасини тўлдириб боришнинг асосий манбалари ҳамда услубий-семантик хусусиятлари ўрганилган.
Not yet translated