"Synergetic-structured model of pedagogical diagnostic of students' conflict behavior"
Abstract
Mazkur tadqiqot mualliflari oliy ta`lim muassalari talabalarning nizoga asos bo‘luvchi xulq-atvorini pedagogik tashxis etishning sinergetik konsepsiyasini ishlab chiqishni maqsad qilgan. Unda shaxsiyatning dinamik tuzilmasi konsepsiyasiga muvofiq to‘rtta kichik tuzilmalar ketma-ketligi, ularning ahamiyati va nizolarni vujudga kelishining mazkur kichik tuzilmalarga uzviy bog`liqligi bayon qilingan. Ta`lim-tarbiya jarayonda nizoga sabab bo‘luvchi xulq-atvor, nizoga kirishuvchi tomonlar, ularning o‘zaro munosabati, nizolarni oldini olish imkoniyatlari va nizoli vaziyatlarni yumshatish, qolaversa, ularni bartaraf etishda ob’yektivlikning ahamiyati, nizoli vaziyatlarni boshqarishni yaxlit tizim sifatida o‘rganilgan. Tadqiqot davomida makroijtimoiy yondashuv singari oliy ta'lim ijtimoiy muhitidagi nizolarni talqin etishga asoslangan xilma-xil nazariya va konsepsiyalarga tayanib nizolarni sinergernik nazariy asoslari tahlil qilingan, shuningdek, ta'lim muassasalarida yosh avlodni komil inson qilib tarbiyalashda pedagogik jarayonni muvaffaqiyatli tashkil etish, yuzaga kelish ehtimoli bo‘lgan pedagogik nizolarning oldini olish va ularni bartaraf etish bo‘yicha amaliy tavsiyalar ishlab chiqilgan. Oliy ta`lim muassasalari talabalari o‘rtasida vujudga keladigan nizoli vaziyatlarda talabalar xulq-atvorini pedagogik tashxis etish natijasida nizolarni bartaraf etishning sinergetik modeli ishlab chiqilgan.