AN’ANAVIY O‘QITISH USULLARI ORQALI O‘ZBEKISTON OLIY O‘QUV YURTLARI TALABALARINING IJTIMOIY-MADANIY KOMPETENTLIGINI RIVOJLANTIRISHDAGI ASOSIY MUAMMOLARNI ANIQLASH

Maqola ispan tilini o‘qitishning an’anaviy usullari orqali O‘zbekiston oliy o‘quv yurtlari talabalarining ijtimoiy-madaniy kompetentligini rivojlantirishdagi asosiy muammolarni aniqlashga bag‘ishlangan. An’anaviy o‘qitish usullaridan foydalanish, garchi uning afzalliklari bo‘lsa-da, ko‘pincha til va madaniyatning ijtimoiy-madaniy jihatlariga yetarlicha e’tibor bermaydi. Ushbu holat madaniy va lingvistik to‘siqlarni keltirib chiqaradi hamda talabalarga ispan tilining ijtimoiy-madaniy jihatlarini o‘zlashtirishni qiyinlashtiradi va ularning ispan tilida so‘zlashadigan muhitda muloqot va o‘zaro ta’sir qilish imkoniyatlarini cheklaydi. Ushbu maqola doirasida talabalar ispan tilini o‘qitishda duch keladigan asosiy muammolar tahlil qilindi. Asosiy muammolarga madaniy farqlar, til to‘siqlari, amaliy tajribaning yetishmasligi va an’anaviy o‘qitish usullarida interfaollik yetishmasligi kiradi. O‘zbekiston va ispanzabon davlatlar o‘rtasidagi madaniy qadriyatlar va urf-odatlardagi tafovutlar ispan muhiti tili va madaniyatining ijtimoiy-madaniy jihatlarini tushunishda qiyinchiliklar tug‘dirmoqda. Bundan tashqari, til farqlari va amaliy tajribaning yetishmasligi ham ijtimoiy-madaniy ko‘nikmalarni rivojlantirishni qiyinlashtiradi. Mazkur muammolarni hal qilish uchun O‘zbekiston madaniyatining o‘ziga xos xususiyatlarini inobatga olgan holda, talabalarning ijtimoiy-madaniy kompetentligini rivojlantirishga hissa qo‘shadigan ispan tilini o‘qitishning yangi usullaridan foydalanish mezonlari taklif qilingan. Ushbu uslublarga darsdan tashqari tadbirlarni tashkil etish, asl materiallardan foydalanish, virtual o‘qitish va onlayn resurslar, zamonaviy texnologiyalarni birlashtirish, ispan mutaxassislarining ma’ruzalari va mahorat darslarini tashkil etish va boshqa jihatlar kiradi.

Not yet translated