ЖАСӨСПІРІМДЕРДІ КӘСІБИ БАҒДАРЛАУДЫҢ ЗАМАНАУИ ӘДІСТЕРІ
Abstract
Мамандық таңдау – жауапты іс. Мамандықты таңдай отырып, адам жұмыс уақытында айналысатын іс-әрекетті таңдап қана қоймайды. Ол сондай-ақ өмір салтын, оның бүкіл өмір салтын таңдайды. Мақалада кәсіби бағдар беру мәселелері қарастырылып, мамандық таңдау жолдары айқындалған. Білім алушылармен кәсіби бағдар беру жұмыстарының негізі орталығы – жалпы білім беретін орта мектеп және кәсіптік білім беру ұйымдары болып табылатын мәселе қарастырылады. Мектептегі кәсіби бағдар беру тек білім алушылардың мектепті бітіруіне байланысты өткізілетін іс-шара ретінде ғана емес, сонымен қатар барлық оқу-тәрбие жұмысы жүйесінің органикалық құрамды бөлігі ретінде қарастырылады. Жалпы алғанда ол жан-жақты дамыған жеке тұлғаның қалыптасу үрдісімен, білім алушыларды еңбекке, өмірге дайындаумен тығыз байланысты және мектепте оқу кезеңінде іске асырылады. Мақалада кәсіби бағдар беру- тұлғаның жалпы бағыттылығының негізгі құрамды бөліктерінің бірі ретінде қарастырылады. «Тұлғаның бағыттылығы» және «кәсіби бағдар беру» анықтамалары әртүрлі тәсілдермен сипатталады.