AMUDARYO HOZIRGI DELTASI KOLLEKTOR HAVZALARIDAGI PARAGENETIK LANDSHAFT KOMPLEKSLARI VA ULARNING TABIIY MELIORATIV SHAROITI

Maqolada Amudaryo hozirgi deltasi o‘ng qirg‘og‘idagi kollektor tashlama -1 (KT-1), (KT-3) va (KT-4) havzalaridagi paragenetik landshaft komplekslari ilk marta relyef plastikasi usuli asosida ko‘rib chiqildi. Shu bilan bir qatorda bu kollektor havzalarining ichki tuzilishi to‘g‘ridan-to‘g‘ri tuproqlarning meoliorativ holatiga ta’sir etadi. Ayniqsa kollektor tashlama-1 havzasida paragenetik landshaft komplekslari o‘ziga xos strukturaga ega bo‘lib, havzada Kuskanatov qirigacha agrolandshaftlar ustunlik qilsa, Kuskanatov qiridan shimolda esa tabiiy landshaftlar ustunlik qiladi. Bu esa o‘z navbatida agrolandshaftlarda va tabiiy landshaftlarda paragenetik landshaft komplekslarining maydoniga ta’sir etadi. Maqolada ko‘rib chiqilayotgan kollektor geotizimlaridagi paragenetik landshaft komplekslarining o‘ziga xos xususiyatlari o‘z navbatida havzadagi Yer-suv resurslaridan tizimli foydalanishda asos bo‘la oladi.

Not yet translated