O‘ZBEKISTONDA MOTURIDIYLIK AQIDASINI O‘RGANISHGA OID ILMIY TADQIQOTLAR

Uchinchi renessansga tamal toshini qo‘yayotgan yangi O‘zbekistonda hayotning turli jabhalari kabi diniyma’rifiy sohada ham keng ko‘lamdagi islohotlar amalga oshirilmoqda. Yurtimizda O‘zbekistondagi islom sivilizatsiyasi markazi, Imom Buxoriy hamda Imom Termiziy xalqaro ilmiy-tadqiqot markazlari, Hadis ilmi oliy maktabi, Mir Arab oliy madrasasi kabi ilm-fan, ta’lim maskanlarining ochilishi islomshunoslik rivojiga katta e’tibor berilayotganini ko‘rsatadi. O‘zbekiston xalqaro islom akademiyasining ochilishiham islomshunoslik rivojiga sezilarli hissa bo‘lib qo‘shildi. 2017 yili “Oliy ilmiy, ilmiy pedagogik mutaxissisliklar ro‘yxatiga” yangi “Islomshunoslik” fani sohasi kiritilib, unning doirasida “Islom tarixi va manbashunosligi”, “Qur’onshunoslik. Hadisshunoslik”, “Fiqh, kalom ilmi. Ilohiyot”, “Sharq mumtoz adabiyoti va manbashunosligi”, “Dinshunoslik”, “Din psixologiyasi” ixtisosliklari ochildi.Ushbu maqolada yurtimizda moturidiylik ta’limotini o‘rganish bo‘yicha olib borilgan tadqiqotlar, erishilgan muhim natijalar haqida so‘z yuritiladi.

Not yet translated