MATERIALLARNI PAYVANDLASH JARAYONIDA OLDINDAN QIZDIRISH (PREHEAT) VA PAYVANDDAN KEYINGI ISSIQLIK BILAN ISHLOV (PWHT) BERISH USULLARINING ILMIY ASOSLARI VA AMALIY AHAMIYATI
Abstract
Materiallarni payvandlash jarayonida oldindan qizdirish (preheat) va payvanddan keyingi issiqlik bilan ishlov berish (PWHT – Post Weld Heat Treatment) texnologiyalarining ilmiy asoslari hamda amaliy ahamiyati tahlil qilingan. Oldindan qizdirish jarayonining asosiy vazifasi – issiqlik ta’siridagi zonada nojo‘ya strukturalarning hosil bo‘lishini cheklash, vodorod yoriqlarining oldini olish va termik stresslarni kamaytirishdan iboratligi asoslab berilgan. Payvanddan keyingi issiqlik bilan ishlov berish esa payvand chokida yuzaga keladigan ichki kuchlanishlarni bartaraf etish, mikrostrukturani barqarorlashtirish va mexanik xossalarni yaxshilashga xizmat qilishi ko‘rsatib o‘tilgan. Tadqiqot natijalari shuni ko‘rsatadiki, mazkur usullarni ilmiy asoslangan holda qo‘llash natijasida payvand birikmalarining mustahkamligi va xizmat muddati sezilarli darajada oshadi. Shuningdek, energetika, neft-gaz, mashinasozlik va boshqa sanoat sohalarida bu usullarni qo‘llashning amaliy samaradorligi yoritilgan.