MARKAZIY OSIYO DAVLATLARIDA MAHALLIY BOSHQARUV TIZIMLARIDA SUNʼIY INTELLEKT QOʻLLASH TAJRIBASI: OʻZBEKISTON UCHUN XULOSALAR
Abstract
Maqolada Markaziy Osiyo davlatlarida mahalliy davlat boshqaruvi tizimlarida sunʼiy intellekt (SI) texnologiyalarini joriy etish amaliyoti tahlil qilingan. Xususan, Qozogʻiston, Qirgʻiziston, Tojikiston va Turkmanistonda mahalliy boshqaruv organlari faoliyatini raqamlashtirish jarayonlari va SI asosidagi qaror qabul qilish tizimlarining shakllanish bosqichlari oʻrganilgan. Shu bilan birga, Oʻzbekistonda mahalliy boshqaruv organlarida SI qoʻllanishining hozirgi holati va institutsional toʻsiqlar tahlil etilgan. Ilmiy tahlil natijalariga koʻra, sunʼiy intellektni mahalliy darajada samarali joriy etish uchun normativ-huquqiy baza, maʼlumotlar ekotizimi va kadrlar salohiyatini takomillashtirish zarurligi asoslab berilgan. Maqolada Markaziy Osiyo tajribasidan kelib chiqqan holda Oʻzbekiston uchun amaliy tavsiyalar ishlab chiqilgan.