КИЧИК ЁШДАГИ БОЛАЛАРДА КАСАЛХОНАДАН ТАШҚАРИ ПНEВМОНИЯНИНГ КEЧИШ ХУСУСИЯТЛАРИ
Abstract
Резюме. Пневмония - бу ривожланаётган мамлакатларда болалар касалланиши ва ўлимининг асосий сабабларидан бири бўлган ўпка паренхимасининг яллиғланиши. Бу пастки нафас йўлларининг ўткир инфекциясининг оғир шакли бўлиб, асосан ўпкага таъсир қилади. Жаҳонда пневмония 5 ёшгача бўлган болалар касалланиши ва ўлимининг асосий сабабларидан бири ҳисобланади. Ривожланган мамлакатларда яқинда ўтказилган эпидемиологик тадқиқотлар шуни кўрсатдики, дунё бўйлаб < 5 ёшдаги болалар ўлимининг асосий сабаби пневмония бўлиб, қўзғатувчиларни кўриб чиқадиган бўлсак, шифохонадан ташқари пневмония (ШТП) билан касалхонага ётқизилган болаларнинг 30-70% да респиратор вируслар, 7-17% да атипик бактериялар ва 2-8% да пиоген бактериялар аниқланган. Ушбу тадқиқотнинг мақсади кичик ёшдаги болаларда ШТП кечишини клиник кузатиш ва таҳлил қилишдан иборат. Калит сўзлар: шифохонадан ташқари пневмония, атипик бактериялар, лаборатор кўрсаткичлар, иситма, ҳансираш.