ОСТЕОПОРОЗ БИЛАН КАСАЛЛАНГАН 60 ЁШДАН КАТТА БЕМОРЛАРДА Д ВИТАМИНИНИНГ САМАРАДОРЛИГИНИ БАХОЛАШ
Abstract
Резюме. Остеопороз сурункали касаллик бўлиб, суяк массасининг камайиши ва суяк тўқимаси микроархитектоникасининг бузилиши билан тавсифланади, бу эса синиш хавфининг ошишига олиб келади. Касаллик патогенезида Д витамини даражаси билан чамбарчас боғлиқ бўлган кальций-фосфор алмашинувининг бузилиши муҳим роль ўйнайди. Д витамини етишмовчилиги ичакда кальций сўрилишининг пасайишига, иккиламчи гиперпаратиреознинг фаоллашишига ва суяк тўқимаси резорбциясининг кучайишига олиб келади. Шу муносабат билан қондаги 25 (ОН) Д нинг оптимал концентрациясини сақлаб туриш остеопорознинг олдини олиш ва даволашнинг асосий таркибий қисмидир. Д витаминининг етарли концентрацияси унинг ультрабинафша нурлар таъсирида терида синтезланиши ҳисобига эришилади ва тери пигментациясига, кийим билан ёпилмаган тери қопламининг майдонига, минтақанинг кенглигига, куннинг давомийлигига, йил фаслига, об-ҳаво шароитларига боғлиқ. Калит сузлар: Д витамини, остеопороз, суякнинг минерал зичлиги, кальций, синишлар.