ВАРИКОЦЕЛЕ МУАММОСИНИНГ ҲОЗИРГИ ҲОЛАТИ: ДИАГНОСТИКА ВА ДАВОЛАШ УСУЛЛАРИНИНГ ТАҲЛИЛИ (АДАБИЁТЛАР ШАРҲИ)
Abstract
Резюме. Варикоцеле – бу ретроград веноз рефлюкс сабабли юзага келган уруғдон веналарининг патологик кенгайиши ҳисоланади. Варикоцеле кўпинча чап томонлама ривожланади, лекин иккала томонда ҳам кузатилиши мумкин, ҳамда камдан кам ҳолатларда фақатгина ўнг томонлама бўлади. Эркаклар бепуштлигининг энг кўп тарқалган сабаби бўлганлиги туфайли ушбу касаллик жуда ҳам муҳим бўлган муаммолардан бири ҳисобланади. Балоғатга етишиш ёшидаги (11 ёшдан катта) эркакларнинг тахминан 15% ида варикоцеле аниқланади. Варикоцеленинг энг кўп тарқалиши (69,9%) 14-16 ёшдаги беморларда кузатилиб, варикоцеле билан касалланган ўсмирларнинг катта қисмида сперматогенезнинг бузилиши аниқланганлиги сабабли касаллик ташвишга солади. Варикоцелэктомиянинг микрожарроҳлик усуллари асоратларнинг кам частотаси ва қулай натижалар туфайли машҳурликка эришди. Шу билан бирга, узоқ даврдаги натижалар билан кейинги тадқиқотлар ва рандомизирланган синовлар зарур. Калит сўзлар: варикоцеле синдроми, диагностика, даво, профилактика, асорат, оғриқ.