СЕМАГЛУТИД ТЕРАПИЯСИНИНГ СЕМИЗЛИК ВА ДИАБЕТОЛДИ БЕМОРЛАРДА ТАНА ВАЗНИ, УГЛЕВОДЛАР АЛМАШИНУВИ ВА ЛИПИД ПРОФИЛИ КЎРСАТКИЧЛАРИ ДИНАМИКАСИГА ТАЪСИРИ
Abstract
Резюме. Углевод алмашинувининг бузилишида ва инсулинрезистентликнинг шаклланишида семизлик, айниқса висцерал семизлик асосий роль ўйнайди. Қандли диабет олди касаллиги билан оғриган беморларда 2-тур қандли диабет ривожланиш хавфи сезиларли даражада ўзгариб туради (10 йил давомида 20-70%), бу эса юқори хавф гуруҳларини ажратиш зарурлигини таъкидлайди. Висцерал семизлик яллиғланиш олди цитокинларининг кўплаб ишлаб чиқарилиши, липотоксиклик, жигар ва мушакларнинг инсулинга сезгирлигининг бузилиши билан бирга келади. Шу билан бирга, стандарт кўрсаткичлар - тана вазни ва ТВИ - ҳар доим ҳам ҳақиқий метаболик хавфни акс эттирмайди. Бел айланаси ва висцерал ёғнинг биоимпеданс кўрсаткичлари аниқроқ параметрлар ҳисобланади. Семизлик предиабет ва 2-тип қандли диабет ривожланишининг етакчи хавф омилларидан бири бўлиб, ҳужайралар сезгирлигининг пасайишига олиб келади. Калит сўзлар: семаглутид, семизлик, предиабет, GLP-1, тана вазни, инсулинрезистентлик.