ВЕРТЕБРОБАЗИЛЯР ИШЕМИК ИНСУЛЬТДАН СЎНГ ЭРТА РЕАБИЛИТАЦИЯ ЖАРАЁНИНИНГ ЁШ ВА ЖИНСГА ХОС ХУСУСИЯТЛАРИ
Abstract
Резюме. Мақолада вертебробазиляр ҳавза ишемик инсульт (ВБИИ) билан оғриган беморларда эрта реабилитация жараёнининг самарадорлигига ёш ва жинс омилларининг таъсири ўрганилган. 120 нафар бемор бир йил давомида проспектив кузатувда бўлди. Натижаларга кўра, кекса ёш ва аёл жинси функционал тикланишнинг секинлашиши билан боғлиқ. Ёш беморлар неврологик пластиклик юқори бўлгани учун мотор функцияларни тез тиклади, аёлларда эса коморбидлик даражаси, депрессия ва когнитив бузилишлар кўпроқ кузатилди. Логистик регрессия таҳлили аёлларда яхши функционал натижага эришиш эҳтимоли эркакларга нисбатан 35% паст эканини кўрсатди (OR = 0.65). Тадқиқот ёш ва жинсга йўналтирилган индивидуал реабилитация протоколлари зарурлигини асослайди. Калит сўзлар: вертебробазиляр инсульт, эрта реабилитация, ёш омиллари, жинсий фарқлар, неврологик тикланиш, функционал прогнози.