ЎЗБЕКИСТОН РЕСПУБЛИКАСИДА ЎПКА САРАТОНИНИНГ КАСАЛЛАНИШ ДИНАМИКАСИ
Abstract
Резюме. Ўпка саратони онкологик касалликлар тизимида энг кўп учрайдиган турига кириб, “GLOBACAN” (2020й.) маълумотига кўра бир йилда 2,160 миллион кишида аниқланган, ўлим кўрсаткичи бўлса 1-ўринда туриб, 1.8 миллиондан ортиқ кишини ташкил қилган. Бу кўрсаткич эркаклар орасида 100 минг аҳолига 40,2 кишига, аёллар орасида эса 17,59 ни ташкил қилади (МАИР, 2020). Ўзбекистон Республикаси бўйича статистик маълумотларга кўра (М.Н.Тиллашайхов ва муал.) 2023 йилда 1791 кишида хаёти мобайнида биринчи маротаба ўпка саратони аниқланган ва 100 минг аҳолига 5,0 кишини ташкил қилган. Ушбу кўрсаткич 2015 йилда 4.4 ни ташкил қилган бўлса, 2023 йилга келиб 5.0га ўсиши кузатилган. Бирламчи аниқланган беморлар ичида бир йиллик ўлим кўрсаткичи эса 2015 йилда 37,4%ни ташкил қилган бўлса, 2023 йилда эса 34,5% га тенг бўлган. Жумладан, 2023 йилда ўпка саратони бирламчи аниқланган беморларнинг 30,8% да касалликнинг IV босқичи кузатилган. Калит сўзлар: ўпка саратони, касалланиш, стандартлаштирилган ва интенсив кўрсаткичлари.