COVID-19 КЕЧИШИГА ТАЪСИР ЭТУВЧИ ЮҚОРИ НАФАС ЙЎЛЛАРИ ЯЛЛИҒЛАНИШИНИНГ АҲАМИЯТИ: ҲОМИЛАДОРЛАРДА ЎРГАНИШ
Abstract
Резюме Ушбу кенг қамровли тадқиқот COVID-19 инфекциясининг ҳомиладорларда кечишига юқори нафас йўллари яллиғланишининг таъсирини аниқлашга қаратилди. 120 нафар ҳомиладор аёл мисолида клиник, лаборатор, инструментал ва перинатал кўрсаткичлар чуқур таҳлил қилинди. Тадқиқот натижалари юқори нафас йўллари яллиғланиши (ЮНЙЯ) COVID-19 инфекциясининг оғирлашувига, пневмония тез ривожланишига, гипоксия ҳолатларининг ошишига ва ҳомила учун эҳтимолий асоратлар кўпайишига олиб келишини намойиш этди. ЮНЙЯ COVID-19 патогенезида ёрдамчи омил сифатида яллиғланиш реакциясини кучайтириши, вирус репликациясини тезлаштириши ва иммун жавобни издан чиқариши мумкин. Тадқиқот ҳомиладорларда COVID-19ни бошқаришда ЮНЙЯни эрта аниқлаш ва даволаш катта аҳамиятга эга эканини кўрсатади. Калит сўзлар: COVID-19, вирус, ҳомиладор аёл, инфекция.