АЁЛ ЖИНСИЙ АЪЗОЛАРИНИНГ ТУҒМА НУҚСОНЛАРИ ТАРҚАЛИШИНИНГ ГЕОГРАФИК ХУСУСИЯТЛАРИ ВА УЛАРНИНГ ИЖТИМОИЙ-ГЕНЕТИК ОМИЛЛАР БИЛАН БОҒЛИҚЛИГИ (АДАБИЁТЛАР ШАРҲИ)
Abstract
Резюме. Сўнгги пайтларда ривожланиш нуқсонлари, жумладан аёлларда репродуктив тизимнинг ривожланиш нуқсонлари сонининг кўпайиши кузатилмоқда. Ҳозирги вақтда репродуктив тизим аъзоларининг ривожланишида нуқсонлари бўлган аёллар — бепуштликнинг ривожланиши, ҳомиладорликнинг I ва II триместрларида репродуктив йўқотишларнинг пайдо бўлиши, эрта ва патологик туғруқ ҳолатларининг кўплиги сабабли акушер-гинекологлар учун катта муаммодир. Бундан ташқари, бу муаммо жуда катта психологик-ижтимоий аҳамиятга эга, чунки репродуктив тизимнинг маълум турдаги туғма нуқсонлари бўлган болалар, масалан, жинс ривожланишининг бузилиши — ота-оналар учун ҳам, беморларнинг ўзи учун ҳам психологик стресс сабаби ҳисобланади. Бугунги кунда репродуктив аъзоларнинг нуқсонлари ривожланиши учун хавф омиллари етарлича ўрганилмаган. Айрим маҳаллий ва хорижий тадқиқотчиларнинг фикрига кўра, репродуктив аъзоларнинг ривожланишидаги нуқсонларнинг келиб чиқиши ирсий омиллар таъсири, шунингдек зарарли биологик, физик ва кимёвий омилларнинг таъсири натижасидир. Шу муносабат билан, ушбу шарҳда биз аёл жинсий аъзоларининг туғма нуқсонлари географик тарқалиши ва уларнинг ривожланиши учун хавф омиллари тўғрисидаги илмий маълумотларни тизимлаштиришга ҳаракат қилдик. Калит сўзлар: Аёл жинсий аъзоларининг туғма нуқсонлари, географик тарқалиши, ижтимоий-генетик омиллар, қариндошлик никоҳлари.