APELSIN VA GREYPFRUT MEVA PO‘STLOQLARI KOMPOZITSIYALARINING ANTIRADIKAL FAOLLIGI
Abstract
Сhiqindi sifatida qaralayotgan apelsin va greypfrut meva po‘stloqlari asosida tayyorlangan har xil nisbatdagi aralashmalarining spirtli ekstraktlarini 2,2-difenil-1-pikrilgidrazil (DPPH) erkin radikallarini so`ndirish usulida baholash ularning yuqori antiradikal faollikka ega ekanligini ko`rsatdi. Standart sharoitda DPPH erkin radikallarini 50 foizga so`ndirish uchun yetarli bo`lgan 1:1, 1:3 va 3:1 nisbatli aralashmalarning 96 %-li etanoldagi ekstraktlari minimal hajmi, mos ravishda, 106.85, 109.05 va 105.72 mkl ekanligi aniqlandi. Ushbu natijalar apelsin va greypfrutning aralashmalari, ayniqsa, 3:1 nisbatdagi kompozitsiyasi tabobatda oksidlanish stressini oldini olishda istiqbolli shifobaxsh vositalar sifatida qo`llanilishi mumkinligiga dalolat beradi.