FORISH TUMANI TOG‘OLDI QISHLOQLARI HAYOTI O‘TMISHDA VA HOZIRDA

Ushbu maqolada Forish tumanining arxeologik, etnografik va tarixiy jihatlari tahlil qilinadi. Tadqiqot davomida Porasht (Eski Forish) qishlog‘ining shakllanish tarixi, Suxchi Abdullo qo‘rg‘oni, Chashmai-Doston atrofi va o‘rta paleolit davriga oid arxeologik topilmalar o‘rganiladi. Shuningdek, Forish va uning atrofidagi qishloqlarning etnik tarkibi, an’anaviy turmush tarzi va migratsiya jarayonlari tahlil qilinadi. Maqolada Forish hududidagi ekoturizm imkoniyatlari, xususan, Uxum va Mojrum qishloqlaridagi turizm infratuzilmasi o‘rganilib, bu joylarning tarixiy-etnografik va ekologik turizm uchun muhim maskan ekani ta’kidlanadi. XIX-XX asrlarda Nurota tog‘lari etaklaridagi savdo markazlarining rivojlanishi va Sintob bozorining ahamiyati yoritiladi. Shuningdek, Nurota vohasining madaniy va lingvistik xususiyatlari, ikki tillilik fenomeni va avlodlararo yashash an’anasi haqida ma’lumot beriladi. Tadqiqot natijalari Forish tumanining madaniy merosi va turizm salohiyatini o‘rganishda muhim ahamiyat kasb etib, hududning tarixiy-geografik xususiyatlarini kengroq yoritish imkonini beradi.

Not yet translated