MAHALLA TIZIMIDA OZIQ OVQAT XAVFSIZLIGI MASALALARI

Mahalla tizimida barqaror oziq-ovqat ta’minoti va taklifini boshqarish masalalari iste’molchilarning o‘zgaruvchan afzalliklari, ekologik omillar hamda global ta’minot zanjirlaridagi uzilishlar fonida tobora dolzarb ahamiyat kasb etmoqda. Ushbu tadqiqotda mahalla darajasida oziq-ovqat xavfsizligini ta’minlashda talab va taklif o‘rtasidagi muvozanatni optimallashtirishga qaratilgan bashoratli tahlil (predictive analytics) hamda buyumlar Interneti (IoT) texnologiyalarining integratsiyalashgan modeli ishlab chiqildi. Tadqiqot modeli real vaqt rejimida turli IoT qurilmalaridan — jumladan, uy xo’jaliklari va dehqon xo‘jaliklaridagi agro-sensorlar, transport logistikasi vositalari hamda saqlash inshootlaridagi monitoring tizimlaridan — yig‘ilgan ma’lumotlarni qayta ishlaydi. Ushbu ma’lumotlar oqimini tahlil qilish orqali ta’minot zanjiri bo‘ylab raqamli kuzatuv (digital visibility) darajasi oshirildi, bu esa manfaatdor tomonlarga tezkor va asosli qarorlar qabul qilish imkonini beradi. Integratsiyalashgan bashoratli tahlil yondashuvi yordamida talabning dinamik prognozi ishlab chiqildi, inventarizatsiya jarayonlari optimallashtirildi va oziq-ovqat chiqindilari hajmi kamaytirildi. Shuningdek, resurslarni samarali taqsimlash, oziq-ovqat yetkazib berishning uzluksizligini ta’minlash va mahalla darajasida barqaror ta’minot zanjiri boshqaruvini shakllantirish bo‘yicha amaliy tavsiyalar ishlab chiqilgan.

Not yet translated