МУАММОНИНГ УМУМИЙ ҲОЛАТИ ВА СУРУНКАЛИ КАСАЛЛИКЛАР АНЕМИЯСИ РИВОЖЛАНИШИНИНГ АСОСЛАРИ (АДАБИЁТЛАР ШАРҲИ)

Анемия — бу клинико-гематологик синдром бўлиб, қоннинг бирлик ҳажмида гемоглобин концентрацияси ва эритроцитлар сонининг камайиши билан тавсифланади. Жаҳон соғлиқни сақлаш ташкилоти (ЖССТ) мезонларига кўра, эркакларда гемоглобин даражасининг <130 г/л, аёлларда эса <120 г/л дан паст бўлиши анемия деб ҳисобланади. Сурункали касалликлар анемияси (СКА), ёки яллиғланиш анемияси — инфекцион, яллиғланиш ёки ўсма касалликлари билан оғриган беморларда ривожланадиган анемиянинг кенг тарқалган туридир. Яллиғланиш анемиясининг ўзига хос хусусияти — зардоб темири даражасининг пасайиши, бироқ унинг макрофагларда сақланиб қолишидир (бу микроэлементнинг ҳақиқий етишмовчилигидан фарқли равишда).

Not yet translated