ХИРУРГИК СТОМАТОЛОГИЯДА ЗАМОНАВИЙ ҚЎШИМЧА ТЕКШИРУВ УСУЛЛАРИ
Abstract
Резюме. Ушбу мақолада хирургик стоматологияда замонавий қўшимча диагностик усуллар, жумладан конус-босимли компьютер томографияси (CБCТ), ультратовуш ва термографиянинг самарадорлиги ўрганилди. Тадқиқот 85 нафар беморда проспектив клиник усулда олиб борилди ва беморлар икки гуруҳга бўлинган: биринчи гуруҳда анъанавий диагностика усуллари (клиника ва ОПГ), иккинчи гуруҳда эса замонавий қўшимча усуллар қўлланилди. Тадқиқот натижалари шуни кўрсатдики, CБCТ ёрдамида мураккаб анатомик тузилмалар 96% ҳолларда аниқланиб, анъанавий ОПГга нисбатан сезиларли афзаллик берди. Ультратовуш диагностикаси юмшоқ тўқималардаги патологик жараёнларни, шишлар, кисталар ва абцессларни аниқлашда юқори самарадорликни кўрсатди. Термография эса яллиғланиш ва перфузия ўзгаришларини тезкор аниқлаш имконини бериб, операция режасини оптималлаштиришга ёрдам берди. Замонавий қўшимча диагностик усуллар постоператив асоратларни сезиларли даражада камайтириб, жарроҳлик хавфсизлиги ва беморларнинг тикланиш жараёнини яхшилади. Шу билан бирга, ушбу усуллар минимал инвазив ёндашувни қўллаш ва жарроҳлик натижаларини оптималлаштиришда муҳим восита сифатида намоён бўлди. Калит сўзлар: Хирургик стоматология, конус-босимли компьютер томографияси (CБCТ), ультратовуш, термография, қўшимча диагностика, постоператив асоратлар, минимал инвазив жарроҳлик, анатомик тузилма, имплантация, киста ва шишлар.