УЮШМАГАН ШАҲАР ПОПУЛЯЦИЯСИДА ЮРАК ИШЕМИК КАСАЛЛИГИ: БИРЛАМЧИ ТИББИЙ-САНИТАРИЯ ЁРДАМИ ШАРОИТИДАГИ ЭПИДЕМИОЛОГИК ТАДҚИҚОТ
Abstract
Резюме. Юрак ишемик касаллиги юрак-қон томир касалликлари орасида етакчи ўринни эгаллаб, аҳоли саломатлигига жиддий таҳдид солмоқда. Айниқса, ушбу касалликнинг уюшмаган шаҳар популяцияларида тарқалганлигини ўрганиш муҳим аҳамиятга эга. Мазкур тадқиқот Самарқанд шаҳридаги оилавий поликлиника ҳудудида яшовчи уюшмаган шаҳар аҳолиси орасида юрак ишемик касаллигининг тарқалганлиги ва клиник хусусиятларини ўрганишга бағишланган. Тадқиқот кўндаланг эпидемиологик усулда олиб борилиб, клиник ва электрокардиографик маълумотлар асосида таҳлил қилинди. Натижалар юрак ишемик касаллиги аҳамиятли даражада тарқалганлигини ва касалликнинг ёш ҳамда жинсга боғлиқ хусусиятларга эга эканлигини кўрсатди. Олинган маълумотлар бирламчи тиббий-санитария ёрдами даражасида профилактика ва эрта аниқлаш чора-тадбирларини кучайтириш зарурлигини асослайди. Калит сўзлар: юрак ишемик касаллиги, эпидемиология, уюшмаган популяция, хавф омиллари, электрокардиография, профилактика.