MOMORDIKA XARANTIYA (MOMORDICA CHARANTIA) NING FARMAKOLOGIK TA'SIRINI BAHOLASH

Momordika xarantiya dorivor o‘simlik sifatida qadimdan an’anaviy tibbiyotda keng qo‘llanib kelinadi. Ushbu maqolada momordika xarantiya meva va urug‘larining farmakologik ta’siri ilmiy manbalar asosida baholandi. Tadqiqotda o‘simlik tarkibidagi biologik faol moddalar, jumladan glikozidlar, alkaloidlar, flavonoidlar va fenol birikmalarning organizmga ta’siri tahlil qilindi. Ilmiy adabiyotlar tahlili momordika xarantiya qandli diabetda glyukoza almashinuvini tartibga solish, yallig‘lanishga qarshi, antioksidant va immunomodulyator xususiyatlarga ega ekanini ko‘rsatdi. Shuningdek, ushbu o‘simlikning jigar faoliyatini yaxshilash, lipid almashinuvini me’yorlashtirish va mikroorganizmlarga qarshi ta’siri mavjudligi aniqlangan. Olingan ma’lumotlar momordika xarantiya farmakologik jihatdan istiqbolli tabiiy vosita ekanini tasdiqlaydi va uni zamonaviy tibbiyotda qo‘llash imkoniyatlarini kengaytiradi

Not yet translated