КУЙИШ ДАРАЖАЛАРИНИ БАҲОЛАШДА ЦИТОКИНЛАР ВА ИММУН ТИЗИМ ХУСУСИЯТЛАРИНИ БАХОЛАШ
Abstract
Резюме. Куйиш касаллиги замонавий тиббиётда долзарб муаммолардан бири бўлиб, унинг кечиши куйиш майдони ва чуқурлигига, шунингдек, организмнинг яллиғланиш ва иммун жавобига боғлиқ. Кенг кўламли ва чуқур куйишларда ноаниқ яллиғланиш жавоби синдроми ривожланиб, кўп органли етишмовчиликка олиб келиши мумкин. Шу муносабат билан куйиш даражаларини баҳолашда биокимёвий ва иммунологик кўрсаткичларнинг аҳамияти ортиб бормоқда. Ушбу мақолада турли даражадаги куйишларда цитокинлар тизими ва иммунитет ҳолатининг ўзига хос ўзгаришлари таҳлил қилинди. Хусусан, яллиғланиш жараёнининг асосий медиаторлари ҳисобланган интерлейкин-6 (IL-6) ва интерлейкин-8 (IL-8) ҳамда гуморал иммунитет кўрсаткичлари - иммуноглобулинлар (IgM, IgG) даражасининг динамикаси ўрганилди. Тадқиқот натижалари куйиш оғирлиги ошиши билан цитокинлар миқдорининг сезиларли кўтарилиши ва иммуноглобулинлар даражасининг пасайиши кузатилишини кўрсатди. Калит сўзлар: Куйиш жароҳати, яллиғланиш, интерлейкин-6 (IL-6), интерлейкин-8 (IL-8), иммуноглобулинлар, IgM, IgG, гуморал иммунитет, иммун жавоб, цитокинлар динамикаси.