ОРТОДОНТИК КОРРЕКЦИЯ ВА ТИШ АНОМАЛИЯЛАРИНИ ДАВОЛАШДАН КEЙИНГИ РEАБИЛИТАЦИЯ БИОМEХАНИКАСИДАГИ ФАРҚЛАР НАТИЖАЛАРИ
Abstract
Резюме. Ушбу мақола тиш-жағ аномалияларига эга беморларда ортодонтик даволаш ва ундан кейинг реабилитацияни оптималлаштиришга қаратилган интегратив моделни ишлаб чиқишга бағишланган. Замонавий илмий маълумотлар таҳлили асосида тишлар зич жойлашувининг асосий морфогенетик ва функционал предикторлари аниқланган. Буларга суяк базаси ўлчамларининг диспропорцияси, тиш тожларининг мезиодистал ўлчамларидаги фарқлар ва тиш қаторлари сегментларида фазовий номутаносиблик киради. Рақамли латерал телерентгенография, ортопантомограмма, фотометрия ва гипс моделлари асосида морфометрик алгоритмлар ёрдамида бажариладиган аниқ диагностика мезонлари тақдим этилган. Экстракцион ва ноэкстракцион стратегияларни танлашни белгиловчи параметрларга аниқлик киритилган. Ортодонтик аппаратлар окклюзион юклама даражаси, ёйсимон конфигурация ва зичлик шаклига кўра тизимлаштирилган. Аралашувни режалаштиришда пародонтал биотип ва кортикал суяк қатламининг ҳолатини ҳисобга олиш зарурлиги алоҳида таъкидланган. Тиш-жағ аномалияларини шахсийлаштирилган коррекция қилиш учун клиник ва рентгенологик мезонларнинг стандартлаштирилмаганлиги қайд этилган. Калит сўзлар: ортодонтия, тиш-жағ аномалиялари, тишлар зич жойлашуви, морфометрик таҳлил, телерентгенография, ортопантомограмма, пародонталбиотип, экстракцион тактика, ретенция, окклюзияни коррекция қилиш.