GERAN SANGINIUM O‘SIMLIGI: TARQALISHI VA TURLI HUDUDIY O‘ZGARUVCHANLIGI VA EKOLOGIK XUSUSIYATLARI( QASHQADARYO VILOYATI MISOLIDA )
Abstract
Ushbu maqolada Geranium sanguineum L. turining Qashqadaryo viloyati tog‘ oldi hududlarida ekologik omillar ta’sirida morfologik va fenologik o‘zgaruvchanligi o‘rganildi. Tadqiqot davomida o‘simlik balandligi, barg va gul diametri, gullash davomiyligi, tuproq namligi tahlil qilindi. Natijalar namlik darajasi ortishi bilan vegetativ va generativ organlar rivojlanishining kuchayishini ko‘rsatdi. Qurg‘oqchil sharoitda o‘simlik kompakt shakl hosil qilib, gullash davri qisqargani kuzatildi. Olingan ma’lumotlar turning yuqori ekologik plastiklikka ega ekanligini hamda tog‘ oldi ekotizimlarida bioindikator sifatida qo‘llanish imkoniyatini tasdiqlaydi. Tadqiqot natijalari hududiy flora monitoringi va o‘simliklarning moslashuv mexanizmlarini baholashda ilmiy ahamiyatga ega.