MAXDUMI AʼZAM ASARLARINING PEDAGOGIK TAHLILI
Abstract
Mazkur maqola Naqshbandiya tariqatining yirik nazariyotchisi va murshidi komili Maxdumi Aʼzam (Ahmad ibn Jaloliddin al-Kosoniy ad-Dahbediy, 1461–1542)ning “Majmua ar-rasoil” toʻplamidagi asarlarini pedagogik nuqtayi nazardan tahlil qilishga bagʻishlangan. Asarlarda maʼnaviy-axloqiy tarbiya, nafsni poklash, pir-murid munosabatlari, oilaviy va ijtimoiy adolat kabi masalalar Qurʼon va hadislarga asoslanib yoritilganligi koʻrsatib oʻtilgan. Muallif risolalarning tarbiyaviy qiymatini ochib berib, ulardagi ustoz-shogird modeli, tolerantlik, adolatli boshqaruv va maʼnaviy poklik prinsiplarini zamonaviy pedagogik taʼlim bilan bogʻlaydi. Maqola Maxdumi Aʼzam merosining hozirgi kunda ham maʼnaviy tarbiya va fuqarolik taʼlimida qoʻllanish imkoniyatlarini taʼkidlaydi va kelgusi tadqiqotlar uchun dolzarbligini belgilaydi.