БОЛАЛАР ТУБЕРКУЛЁЗ БИЛАН КАСАЛЛАНИШИ ОЛДИНИ ОЛИШ ВА ПРОФИЛАКТИК ЧОРА-ТАДБИРЛАРИ
Abstract
Резюме. Бутун дунёда туберкулёз касаллиги бўйича эпидемиологик вазият ҳамон мураккаблигича қолмоқда. Мақсад. Болаларда туберкулёз касаллиги ривожланишида профилактик чора тадбирларининг ўрнини ўрганиш. Материал ва методлар. Тадқиқотимизда фаол туберкулёз, латент туберкулёз инфекцияси ташхиси клиник ва лаборатор текширувлар орқали аниқ тасдиқланган болалар ҳамда амалий соғлом болалар иштирок этдилар. Натижалар. Ҳар уччала гуруҳда ҳам ўғил болалар сони қиз болалардан бироз кўпроқ. Фаол ТБ гуруҳида профилактикада аниқланиш улушининг пастлиги, ушбу беморларда касалликнинг симптомлари билан шифокорга мурожаат қилгани ва профилактик текширувгача бўлган даврда ташхислангани билан изохланади. Хулоса. Умумий таҳлил (χ²=53,290; p<0,001) фаол сил ва латент инфекция гуруҳларида касалликнинг аниқланиш муддатлари бўйича умумий тақсимот статистик жиҳатдан ўта ишончли фарқ қилишини тасдиқлади. Хусусан, фаол ТБ асосан 3 ойлик муддатда (59,2%) симптомлар асосида аниқланса, ЛТИ энг кўп ҳолларда (68,4%) профилактик текширувлар давомида аниқланди. Калит сўзлар: фаол туберкулёз, латент туберкулёз, профилактик чора-тадбирлар.