КЎПСУВЛИЛИК БИЛАН КЕЧГАН ЭГИЗ ҲОМИЛАДОРЛИКНИНГ КЛИНИК-ЭПИДЕМИОЛОГИК ХУСУСИЯТЛАРИ, МАТЕРНАЛ ВА ПЕРИНАТАЛ АСОРАТЛАРИ ҲАМДА БОШҚАРИШ НАТИЖАЛАРИ
Abstract
Резюме. Замонавий перинатология ва акушерлик амалиётининг энг мураккаб йўналишларидан бири кўп ҳомилали ҳомиладорликлар ва улар билан боғлиқ асоратларни эрта аниқлаш ҳамда самарали бошқариш ҳисобланади. Ушбу тадқиқот Ўзбекистон Республикасининг Самарқанд вилояти шароитида кўпсувлилик (полигидрамнион) билан кечган эгиз ҳомиладорликнинг клиник-эпидемиологик хусусиятларини, она (матернал) ва ҳомила (перинатал) асоратларини ҳамда тиббий бошқариш стратегияларининг натижаларини чуқур таҳлил қилишга қаратилган. Тадқиқот Самарқанд давлат тиббиёт университети (СамДТУ) кўп тармоқли клиникаси акушерлик-гинекология бўлими базасида олиб борилди. Тадқиқотда жами 48 нафар эгиз ҳомиладор аёл иштирок этди: 24 нафар асосий гуруҳ (кўпсувлилик ташхиси тасдиқланган) ва 24 нафар назорат гуруҳи (нормосувлилик билан кечган). Барча беморлар 2024–2025 йиллар давомида СамДТУ кўп тармоқли клиникасида рўйхатга олиниб, кузатилди. Натижалар шуни кўрсатдики, асосий гуруҳда муддатидан олдин туғруқ хавфи (75.0% вс 29.2%, р<0.001), матернал диспное (54.2% вс 8.3%, р<0.001), НИCУ га ётқизиш (58.3% вс 25.0%, р=0.001) ва перинатал ўлим (18.8% вс 4.2%, р=0.025) назорат гуруҳига нисбатан статистик ишончли даражада юқори эканлиги аниқланди. Фетоскопик лазер коагуляцияси (ФЛК) ФФТС билан кечган монохориал эгизакларда энг самарали усул сифатида иккала ҳомиланинг 66.7% тирик қолишини таъминлади. Самарқанд вилоятидаги анемия тарқалганлиги (тадқиқотда 54.2%) перинатал асоратларни янада оғирлаштирувчи асосий коморбид омил сифатида намоён бўлди. Калит сўзлар: эгиз ҳомиладорлик, кўпсувлилик (полигидрамнион), фетофетал трансфузион синдром (ФФТС), монохориал диамниотик ҳомиладорлик, амниодренаж, фетоскопик лазер коагуляцияси, перинатал асоратлар, матернал анемия, амниотик суюқлик индекси, Самарқанд, Ўзбекистон перинатологияси.