ҚИЗАМИҚНИНГ ҲОЗИРГИ БОСҚИЧДАГИ КЛИНИК КЕЧИШИ ХУСУСИЯТЛАРИ
Abstract
Резюме. Мазкур тадқиқот ишида 0 ёшдан 60 ёшгача бўлган жами 160 нафар беморда қизамиқ касаллигининг клиник кечиш хусусиятлари таҳлил қилинди. Кузатув натижаларига кўра, беморларнинг 66 нафарида (41,25%) касаллик ўрта оғирлик даражасида кечган бўлса, 94 нафар беморда (58,75%) оғир шаклда ривожлангани аниқланди. Вакцинация ҳолатини баҳолаш жараёнида 4 нафар (2,5%) бемор қизамиққа қарши эмланганлиги, 128 нафар (80%) бемор эмланмаганлиги ҳамда 28 нафар (17,5%) бемор эмланган-эмланмаганлиги ҳақида маълумотга эга эмаслиги маълум бўлди. Тадқиқот давомида беморларда касалликка хос бўлган турли патогномоник клиник белгиларнинг намоён бўлиш даражаси, шунингдек асоратлар билан кечиш ҳолатлари ҳам батафсил ўрганилди. Калит сўзлар: қизамиқ, эрта ёшдаги болалар, Бельский–Филатов–Коплик белгиси, конъюнктивит.