БОЛAЛAРДA ВИРУСЛИ ГЕПAТИТ A НИНГ КЛИНИК-ЭПИДЕМИОЛОГИК ХУСУСИЯТЛAРИ
Abstract
Резюме. Вирусли гепатит A (ВГA) жигарининг бошқа касалликлари орасида етакчи ўринни эгаллайди ва барча вирусли гепатитларнинг 65–75% ни ташкил етади. ВГAга сезувчанлик умумий бўлишига қарамасдан, касаллик кўпроқ 1 ёшдан катта болаларда (айниқса 3–12 ёшда ва уюшган жамоаларда) ҳамда 20–29 ёшли ёшлар орасида қайд этилади. Мақолада болаларда ВГAнинг клиник-эпидемиологик хусусиятлари ёритилган. Инфекцион шифохонада ВГA ҳолатлари кўпроқ (51,5%) мактаб ёшидаги болаларда қайд етилган, 1 ёшдан 5 ёшгача бўлган 285 нафар (23,9%) болаларга нисбатан. Клиник жиҳатдан касаллик гриппга ўхшаш ва диспептик вариантларда ўткир бошланиши ҳамда яққол интоксикация синдроми билан намоён бўлган, аксар ҳолларда (58,3%) оғир ва ўрта оғир (41,7%) шаклларда кечган. Aҳолини ВГAга қарши иммунизация билан қамраб олишни кенгайтириш ва унинг оммабоплигини таъминлаш мақсадида уни “Ўзбекистон Республикасининг Миллий профилактик эмлаш тақвими”га киритиш зарур, бу эса болалар ўртасида вирусли гепатит “A” билан касалланишни камайтиришда муҳим аҳамият касб этади. Калит сўзлар: эпидемиология, клиника, вирусли гепатит A, болалар.