СУРУНКАЛИ БУЙРАК КАСАЛЛИГИ ТУРЛИ ДАВОЛАШ БОСҚИЧЛАРИДА БЎЛГАН КЕКСА ЁШДАГИ БЕМОРЛАРДА САРКОПЕНИЯ ВА ТРАВМАЛАР БИЛАН БОҒЛИҚ ҲОЛАТЛАР
Abstract
Резюме. Ушбу мақолада кекса ёшдаги сурункали буйрак касаллиги (СБК) билан оғриган беморларда саркопения ривожланиш хусусиятлари турли даволаш босқичларида кўриб чиқилган. Консерватив терапия, гемодиализ ва перитонеал диализ босқичидаги беморларнинг клиник ва функционал кўрсаткичлари таҳлил қилинди. Саркопения тарқалиши 48% ни ташкил этиши аниқланди, энг юқори кўрсаткич гемодиализ босқичида кузатилди. Саркопения мавжудлиги ва травмалар, айниқса йиқилишлар хавфи ўртасида сезиларли боғлиқлик аниқланди. Беморларни бошқаришда эрта диагностика ва комплекс ёндашувнинг аҳамияти таъкидланди. Оилавий шифокорлар учун саркопенияни профилактика қилиш, аниқлаш ва тузатиш бўйича тавсиялар тақдим этилган. Калит сўзлар: Сурункали буйрак касаллиги, саркопения, кекса ёш, гемодиализ, травмалар, йиқилишлар, мушак массаси, профилактика, оилавий шифокор.