КАЛАМУШЛАР ОШҚОЗОН ОСТИ БЕЗИНИНГ ПОСТНАТАЛ ОНТОГЕНЕЗ ДАВРИДАГИ МОРФОЛОГИК ПАРАМЕТРЛАРИНИНГ ДИНАМИК ЎЗГАРИШЛАРИ
Abstract
Резюме. Ушбу тадқиқот лаборатор оқ зотсиз каламушларда постнатал онтогенезнинг турли босқичларида (1, 3, 9, 12 ва 15 ойлик) ошқозон ости безининг морфологик ва морфометрик хусусиятларини ўрганишга бағишланган. Натижаларга кўра, постнатал ривожланиш даврида ошқозон ости безининг экзокрин ва эндокрин қисмларида босқичма-босқич морфофункционал ўзгаришлар кузатилди. Эрта ёш даврларида ацинар аппаратнинг ривожланиши ва секретор фаоллиги ошиши, кейинги босқичларда эса ацинусларнинг айрим морфометрик кўрсаткичлари бироз камайиши қайд этилди. Шу билан бирга Лангерганс оролчаларининг майдони ва эндокриноцитлар сони ёш ортиши билан босқичма-босқич ошиши аниқланди. Олинган натижалар постнатал онтогенезда ошқозон ости бези структурасининг динамик қайта қурилиши ва экзокрин ҳамда эндокрин компонентлар ўртасидаги функционал мувозанат шаклланишини кўрсатади. Калит сўзлар: ошқозон ости бези, постнатал онтогенез, морфология, морфометрия, ацинус, Лангерганс оролчалари.