TA'LIM TASHKILOTLARINI BOSHQARISHDA RAQAMLI TEXNOLOGIYALARDAN FOYDALANISHNING DOLZARBLIGI
Abstract
Annotatsiya. Mazkur maqolada maktabgacha ta’lim tashkilotlarini boshqarishda raqamli texnologiyalardan foydalanishning dolzarbligi tizimli yondashuv asosida tahlil qilingan. Zamonaviy ta’lim tizimida boshqaruv jarayonlarini raqamlashtirish nafaqat texnologik yangilanish, balki boshqaruv modelining transformatsiyasi sifatida qaraladi. Tadqiqotning maqsadi maktabgacha ta’lim tashkilotlarida raqamli texnologiyalarni joriy etish orqali boshqaruv samaradorligini oshirish imkoniyatlarini aniqlashdan iborat. Tadqiqot jarayonida ilmiy adabiyotlar tahlili, qiyosiy tahlil, so‘rovnoma va tajriba-sinov usullaridan foydalanildi. Natijalar shuni ko‘rsatdiki, raqamli texnologiyalarni joriy etish boshqaruv jarayonining tezkorligi, shaffofligi va natijadorligini oshiradi, qaror qabul qilishni ma’lumotlarga asoslangan modelga olib chiqadi. Shu bilan birga, raqamli transformatsiya samaradorligi texnologik infratuzilma, kadrlar raqamli kompetensiyasi va boshqaruv modelining uyg‘unligiga bog‘liqligi aniqlandi.