СЕНСОНЕВРАЛ ОҒИРҚУЛОҚЛИК БИЛАН КАСАЛЛАНГАН БОЛАЛАРДА КОМПЛЕКС БУЗИЛИШЛАРНИНГ ДИАГНОСТИКА ВА ЭШИТИШНИ ПРОТЕЗЛАШГА ТАЪСИРИ
Abstract
Резюме. Турли даражадаги сенсоневрал оғирқулоклик билан хасталанган болаларда комплекс бузилишлар тузилмаси ва қўшимча патологиянинг эшитиш бузилишини ташхислаш ва эшитишни протезлашга таъсири ўрганилди. Аниқланишича, сенсоневрал оғирқулоклик билан хасталанган болаларнинг 38.9 % ида марказий нерв тизими, кўриш, таянч-ҳаракат аппарати, юрак-қон томир, нафас олиш, сийдик ажратиш, ҳазм қилиш, эндокрин ва бошқа тизимларда турли қўшимча патологиялар мавжуд. Комплекс бузилишлари бўлган болаларда оғирқулокликнинг генетик омили изоляцияланган оғирқулоклик билан хасталанган болаларга нисбатан анча кам учрайди. Комплекс бузилишлари бўлган болаларда эшитишни протезлашнинг кечроқ амалга оширилиши сурдолог шифокорларнинг эҳтиёткор ёндашуви ҳамда ушбу жараённинг мураккаблиги билан боғлиқ. Калит сўзлар: болаларда сенсоневрал оғирқулоклик, комплекс бузилишларни ташхислаш, эшитишни протезлаш.