ҲОМИЛАДОРЛАРДА АРТЕРИАЛ ГИПЕРТОНИЯ ПРОФИЛАКТИКАСИ ВА УНИ НАЗОРАТ ҚИЛИШ СТРАТЕГИЯЛАРИ
Abstract
Резюме. Мазкур илмий иш ҳомиладорлик даврида кузатиладиган артериал гипертензия (ҲГ) муаммоларини комплекс таҳлил қилишга бағишланган. Тадқиқот объекти сифатида Самарқанд шаҳрида истиқомат қилувчи 200 нафар ҳомиладор аёл танлаб олинди. Ўтказилган таҳлиллар натижасида иштирокчиларнинг тўртдан бир қисмида (25%) юқори қон босими патологияси қайд этилди. Касаллик ривожланишининг асосий детерминанти сифатида ортиқча вазн, ирсий мойиллик ва психофизиологик зўриқишлар (стресс) аниқланган. Шунингдек, респондентларнинг 60 фоизида гиподинамия (кам ҳаракатлилик), 55 фоизида эса тузни меъёридан ортиқ истеъмол қилиш одати борлиги маълум бўлди. Тадқиқот хулосалари акушерлик амалиётида гипертензияни барвақт аниқлаш ва профилактик таълим дастурларини жорий этиш она ва бола саломатлигини муҳофаза қилишда фундаментал аҳамиятга эга эканлигини исботлайди. Калит сўзлар: ҳомиладорликдаги гипертония, тарқалиш, хавф омиллари, она саломатлиги, қон босими.