СУРУНКАЛИ ВИРУСЛИ ГEПАТИТ БИЛАН ОҒРИГАН БEМОРЛАРДА ПСИХИК ВА НEВРОЗ ҲОЛАТЛАРИНИНГ КЛИНИК-ЭПИДEМИОЛОГИК ХУСУСИЯТЛАРИ
Abstract
Резюме. Мазкур тадқиқот сурункали вирусли гепатит Б ва C билан оғриган беморларда психик бузилишлар ва невроз ҳолатларининг учраш жиҳати, клиник намоён бўлиши ва касалликнинг эпидемиологик хусусиятлари билан боғлиқлигини аниқлашга бағишланган. Тадқиқотда 53 нафар сурункали гепатит Б ва C би-лан оғриган бемор иштирок этди. Психик ҳолат депрессия, анксиозлик (ташвишланиш), уйқусизлик, когнитив бузилишлар ва эмоционал лабилилик нуқтаи назаридан комплекс баҳоланди.Натижаларга кўра, беморларнинг 62% да депрессия, 49% да анксиозлик, 37% да уйқусизлик ва когнитив бузилишлар қайд этилди. Шунингдек, йиғлоқлик, кайфиятнинг тушиши ва ижтимоий фаолликнинг пасайиши каби белгилар депрессив ва невроз ҳолатлари-да кўпинча ҳамроҳ бўлган. Психик бузилишлар асосан касалликнинг узоқ давом этиши, клиник оғирлиги ва соматик симптомлар билан боғлиқ бўлганлиги аниқланди, вирус тури (Б ёки C) билан фарқ сезилмади. Анксиозлик ва депрессиянинг кўпинча касалликнинг илк йилларида ва сурункали босқичларида ривожланиши тадқиқотда қайд этилди.Олинган натижалар сурункали вирусли гепатит билан оғриган беморларни даволашда психик саломат-ликни мунтазам баҳолаш ва психосоциал қўллаб-қувватлашни ўз ичига олган комплекс интервенциялар аҳамиятли эканлигини кўрсатади. Бундай ёндашув беморларнинг ҳаётий сифати ва терапия самарадорлигини сезиларли даражада ошириш имконини беради. Калит сўзлар: Сурункали вирусли гепатит Б, сурункали вирусли гепатит C, депрессия, анксиозлик, невроз ҳолатлари, уйқусизлик, психик саломатлик.