МОБИЛ САЛОМАТЛИК (mHealth) ТИЗИМЛАРИ ЁРДАМИДА СУРУНКАЛИ ЮРАК-ҚОН ТОМИР КАСАЛЛИКЛАРИНИНГ ОЛДИНИ ОЛИШ ВА МОНИТОРИНГИ
Abstract
Резюме. Сурункали юрак-қон томир касалликлари (ЮҚТК) дунё бўйича ўлим ва ногиронликнинг асосий сабаби бўлиб, уларнинг олдини олиш ва узлуксиз мониторинг қилиш тиббиётнинг долзарб муаммоларидан ҳисобланади. Мобиль саломатлик (mHealth) – смартфонлар, планшетлар ва тақиладиган қурилмалар (wearables) орқали тиббий хизмат кўрсатишнинг инновацион йўналиши бўлиб, ЮҚТКни эрта босқичда аниқлаш, хатар омилларини назорат қилиш ва беморларнинг даволанишга риоясини кучайтиришда катта имкониятларга эга. Ушбу мақолада mHealth тизимларининг ЮҚТК профилактикаси ва мониторингида қўлланилишининг назарий асослари, амалий мисоллари ва самарадорлиги бўйича халқаро тадқиқотлар таҳлили келтирилган. Шунингдек, рақамли технологияларни соғлиқни сақлаш амалиётига кенг жорий этишдаги тўсиқлар ва уларни бартараф этиш йўллари муҳокама қилинган. Хулоса қисмида мамлакатимиз шароитига мослаштирилган мобиль мониторинг тизимини йўлга қўйиш бўйича амалий тавсиялар берилган. Калит сўзлар: мобил саломатлик, mHealth, юрак-қон томир касалликлари, гипертония, мониторинг, профилактика, рақамли технологиялар, телемониторинг.