КАНЦЕРОГЕН МОДДАЛАРНИНГ ОРГАНИЗМГА ТАЪСИРИ ВА САРАТОН КАСАЛЛИГИНИ КЕЛИБ ЧИҚИШИДАГИ РОЛИ
Abstract
Резюме. Онкология олдида турган вазифаларнинг мураккаблиги ва ҳаётда учраб турадиган фожиали вазиятлар, яъни саратон касаллиги фонида онкологлар, вирусологлар, эпидемиологлар, шунингдек молекуляр биология ва бошқа фанлар соҳасидаги мутахассисларни ўз саъй-ҳаракатларини кучайтиришга мажбур қилади. Бу нафақат хавфли ўсмаларнинг илгари номаълум бўлган сабабларини аниқлашга имкон беради, балки сабабларни аниқлаб, уларни олдини олиш усулларини ишлаб чиқишга ёрдам беради.Саратон кўп сабабли касаллик бўлиб, унда кўплаб омиллар битта натижага олиб келади. Олимлар ёмон сифатли ўсма ўсишининг кўплаб сирларини кўриб, улар саратон ҳужайраларининг кўплаб хусусиятларини ўргандилар ва тавсифладилар, аммо соғлом ҳужайранинг ёмон сифатли ҳужайрага айланишининг асосий сабаби ҳали ҳам ноаниқлигича қолмоқда. Ўсма пайдо бўлишининг сабаблари ҳақидаги савол замонавий тиббиёт фанидаги энг долзарб ва баҳсли масалалардан биридир. Инсонга ташқи муҳитнинг таъсири, шунингдек тананинг ички дисфункциялари ҳам ўсма ўсиши учун шароит яратади. Калит сўзлар: онкология, саратон, канцероген, бензипирин, смола, полициклик ароматик углеводород.