ҚУРУҚ КЎЗ СИНДРОМИ БЎЛГАН БЕМОРЛАРДА АМБУЛАТОР РЕАБИЛИТАЦИЯ ДАСТУРЛАРИНИНГ КЛИНИК САМАРАДОРЛИГИНИ ТАҚҚОСЛАШ
Abstract
Резюме. Мақсад: Қуруқ кўз синдроми (ҚКС) бўлган беморларда турли амбулатор реабилитация дастурларининг клиник самарадорлигини таққослаш ва оптимал даволаш тактикасини аниқлаш. Материал ва методлар: Тадқиқотга 18-65 ёшдаги, ўрта ва оғир даражадаги ҚКС ташхиси қўйилган 84 бемор (168 кўз) жалб этилди. Беморлар икки гуруҳга бўлинди: 1-гуруҳ (н=42) – стандарт амбулатор реабилитация (сунъий кўз ёш томчилари, гигиэна тавсиялари); 2-гуруҳ (н=42) – комплекс амбулатор дастур (сунъий кўз ёш томчилари, кўз қовоғи массажи, иссиқ компресслар, омега-3 қўшимчалари, гигиэна таълими). Текширувлар даволашдан олдин, 1, 3 ва 6 ой ўтгач амалга оширилди. Баҳолаш мезони: OSDI (Ocular Surface Disease Index) шкаласи, Schirmer I тести, TBUT (Tear Break-Up Time), корнеал бўялиши (флуорестсин). Статистик таҳлил: СПСС 26.0 дастурида т-тест ва χ² тестлари қўлланилди (п<0,05). Натижалар: 6 ойлик кузатув давомида комплекс реабилитация дастурини олган 2-гуруҳ беморларида ОСДИ кўрсаткичи 68,4±8,2 дан 24,6±6,1 га камайди (п<0,001), 1-гуруҳда эса 67,8±7,9 дан 38,4±7,3 га камайди (п<0,001). Счирмер тести натижалари 2-гуруҳда 6,2±1,4 мм дан 12,8±2,1 мм га ошди (п<0,001), 1-гуруҳда 6,4±1,5 мм дан 9,1±1,8 мм га ошди (п<0,01). ТБУТ кўрсаткичи 2-гуруҳда 4,1±0,9 сониядан 8,6±1,4 сонияга яхшиланди (п<0,001), 1-гуруҳда 4,2±0,8 дан 6,3±1,2 га ошди (п<0,01). Корнеал бўялиши 2-гуруҳда 87% беморларда йўқолди, 1-гуруҳда 54% ҳолатларда (п<0,01). Хулоса: Комплекс амбулатор реабилитация дастури қуруқ кўз синдромини даволашда стандарт терапияга нисбатан сезиларли юқори самарадорликни кўрсатди ва амбулатория шароитида қўллаш учун тавсия этилади. Калит сўзлар: қуруқ кўз синдроми, амбулатор реабилитация, ОСДИ шкаласи, Счирмер тести, ТБУТ, кўз қовоғи массажи, комплекс даволаш.