ИККИ ТОМОНЛАМА МЕДИАЛ ДИСКОИД МЕНИСК: КАМ УЧРАЙДИГАН АНАТОМИК АНОМАЛИЯ ВА ИНДУВИДУАЛ АРТРОСКОПИК ДАВОЛАШ
Abstract
Резюме. Мазкур мақолада кам учрайдиган туғма аномалия — икки томонлама медиал дискоид менискнинг (МДМ) клиник ҳолати ва уни замонавий даволаш усуллари таҳлил қилинган. Тадқиқотда 14 ёшли ўсмир беморда кузатилган сурункали оғриқлар, ҳаракат чекланиши ва бўғимдаги ўзига хос «шиқиллаш» симптомларининг диагностика жараёни батафсил ёритилган. Диагностика бўғим юзаларининг микроструктуравий ҳолатини баҳолаш учун МРТ-картир (Т2-mapping) режимидан фойдаланилган. Ушбу усул менискнинг бўғим тоғайига таъсирини релаксация вақти орқали прогноз қилиш ва чап тиззадаги менискда ҳали макроскопик йиртилиш юзага келмаган эрта босқичдаги метаболик ўзгаришларни аниқлаш имконини берди. Беморга нисбатан индивидуал ёндашилган ҳолда, артроскопик селектив менисэктомия ва сауцеризация амалиёти ўтказилди. Жаррохлик амалиётидан ва реаблитатция босқичларидан кейин беморда клиник ва функсионал ўзгаришлар ижобий бўлди. Калит сўзлар: медиал дискоид мениск, МРТ Т2-mapping, Билатерал аномалия, Артроскопия.