Maktabgacha yoshdagi autizm sindromli bolalarni innovatsion oʻyinlar asosida ogʻzaki nutqini rivojlantirish
Abstract
Maqolada maktabgacha yoshdagi autizm sindromli bolalarda og'zaki nutqni rivojlantirish jarayoni innovatsion o'yinlar asosida tahlil qilinadi. Mazkur yondashuv pedagogik va psixologik tamoyillarni birlashtiradi hamda nutq rivojlanishini bosqichma-bosqich strategiyalar bilan qo'llab-quvvatlaydi. Innovatsion o'yinlar orqali bolalarning kommunikativ qobiliyati, so'z boyligi, muloqotga kirishish darajasi va interaktiv aloqalari oshadi. Mazkur metodik yondashuv individual xususiyatlarni hisobga olgan holda bolalar bilan samarali muloqot o'rnatish, nutq mashqlarini qiziqarli va rag'batlantiruvchi tarzda tashkil etish imkonini beradi. Interaktiv kartochkalar, qisqa hikoya o'yinlari, rolli o'yinlar, sensor stimulli mashqlar va raqamli interaktiv ilovalar orqali bolalar nutqni amaliy kontekstda qo'llashni o'rganadi, so'z boyligini kengaytiradi va kommunikativ intonatsiya qobiliyatini shakllantiradi. Shu bilan birga, mazkur yondashuv bolalarning ijtimoiy ko'nikmalarini rivojlantirish, diqqat va kognitiv jarayonlarni mustahkamlash hamda motivatsiyasini oshirishga yordam beradi. Maqola maktabgacha yoshdagi autizm sindromli bolalarning nutq rivojlanishi va kommunikativ kompetensiyasini samarali qo'llab-quvvatlashda innovatsion pedagogik vositalarning ahamiyatini ochib beradi.