BOSHLANGʻICH TA'LIMDA RAQAMLI HIKOYALAR ORQALI HALOLLIK VA MEHNATSEVARLIKNI TARGʻIB ETISH
Abstract
Ushbu maqolada boshlang'ich ta'lim jarayonida raqamli hikoyalar (digital storytelling) texnologiyasidan foydalanishning pedagogik ahamiyati, xususan, halollik va mehnatsevarlik kabi muhim axloqiy fazilatlarni o'quvchilar ongiga singdirishdagi samaradorligi tahlil qilinadi. Bugungi raqamli transformatsiya sharoitida ta'lim jarayonida zamonaviy texnologiyalarning keng qo'llanishi o'quvchilarning qiziqishini oshirish, ularni faol, mustaqil va ijodkor ishtirokchiga aylantirish, shuningdek axloqiy tarbiya jarayonining samaradorligini ta'minlashda muhim omil bo'lib bormoqda. Raqamli hikoyalar matn, rasm, ovoz, animatsiya va video tasvirlarning integratsiyasiga asoslangan bo'lib, o'quvchilarning bir vaqtning o'zida vizual, eshitish va hissiy sezgilari orqali ta'limiy mazmunni yaxshiroq qabul qilishiga imkon yaratadi. Shu bois mazkur texnologiya halollik va mehnatsevarlikning mazmun-mohiyatini o'quvchilarga qiziqarli, mazmunli va esda qolarli tarzda yetkazishda katta imkoniyatlarga ega.