NEMIS TILINI O'RGANISHDA XATOLAR USTIDA ISHLASHNING ZAMONAVIY METODLARI VA ULARNING PSIXOLINGVISTIK ASOSLARI
Abstract
Ushbu maqolada nemis tilini o'qitish va o'rganish jarayonida xatolar ustida ishlashning zamonaviy metodlari hamda ularning psixolingvistik asoslari tadqiq etilgan. An'anaviy pedagogikadan farqli o'laroq, zamonaviy lingvodidaktikada xatoga tabiiy o'rganish bosqichi va kognitiv jarayon mahsuli sifatida yondashiladi. Maqolada taniqli nemis metodist olimlari K. Kleppin va U. Steinmüllerning ilmiy qarashlari tahlil qilinib, dars jarayonida muloqot muvozanatini saqlash va psixologik to'siqlarni bartaraf etish masalalari yoritilgan. Shuningdek, talabalarda metalingvistik kompetensiyani rivojlantirishga xizmat qiluvchi "Korrekturzettel" (tizimli tahlil) va "Grammatik-Auktion" (Grammatik kimoshdi savdosi) kabi interaktiv va shaxsga yo'naltirilgan metodlarning amaliy ahamiyati asoslab berilgan.