ҲОМИЛАДОРЛИКНИНГ ТУРЛИ ДАВРЛАРИДА ҲОМИЛА НАФАС ОЛИШ ОРГАНЛАРИНИНГ МОРФОФУНКЦИОНАЛ РИВОЖЛАНИШИ (АДАБИЁТЛАР ШАРҲИ)
Abstract
Резюме. Нафас олиш тизими касалликлари неонатал ва эрта болалик даврида учрайдиган энг долзарб ҳамда кенг тарқалган патологик ҳолатлардан бири ҳисобланади. Неонатал ўлим структурасида эса респиратор тизим патологиялари, жумладан респиратор дистресс синдроми, туғма пневмония, бронх-ўпка дисплазияси ва ўпка тўқимасининг етарлича ривожланмаслиги билан боғлиқ ҳолатлар етакчи ўринлардан бирини эгаллайди. Адабиёт манбалари таҳлили шуни кўрсатадики, янги туғилган чақалоқларда нафас етишмовчилиги ва ўпка патологиялари билан боғлиқ ўлим кўрсаткичи кўп жиҳатдан гестацион ёш, ҳомиланинг антенатал ривожланиш даражаси, туғилиш вазни ҳамда бронх-ўпка тизимининг морфофункционал етуклигига бевосита боғлиқдир. Айниқса, муддатидан олдин туғилган чақалоқларда бронхиал дарахт, альвеоляр аппарат ва ўпка паренхимасининг морфогенетик жиҳатдан тўлиқ шаклланмаганлиги респиратор бузилишлар ривожланиши учун муҳим патогенетик омил ҳисобланади. Калит сўзлари: бронх, ўпка, гестацион муддат, ҳомиладорлик, морфогенез, неонатал патология