XORIJIY ILMIY ADABIYOTLARDA O‘ZBEKISTON NOMODDIY MADANIY MEROSINING KONSEPTUAL TALQINI
Abstract
Mazkur maqolada xorijiy ilmiy adabiyotlarda O‘zbekiston nomoddiy madaniy merosining konseptual talqini masalasi tahlil qilinadi. Maqolada nomoddiy madaniy merosning etnomusiqashunoslik, ijroga asoslangan, YUNESKOga oid institutsional hamda iqtisodiy-resurs yondashuvlar doirasida talqin qilinishi ko‘rib chiqiladi. Xususan, maqom, baxshichilik, urf-odatlar va hunarmandchilik kabi madaniy amaliyotlarning “tirik meros” sifatida ijro jarayonida shakllanishi va avloddan avlodga uzatilishi asosiy ilmiy konsept sifatida tahlil etiladi. Xorijiy ilmiy adabiyotlarda merosning global madaniy siyosat, iqtisodiy qiymat va transmilliy jarayonlar bilan bog‘liqligi ham muhim o‘rin egallashi ta’kidlanadi. Tadqiqot natijalari O‘zbekiston nomoddiy madaniy merosining xalqaro ilmiy diskursda ko‘p qatlamli va dinamik tizim sifatida talqin qilinishini ko‘rsatadi.