ADVANTAGES AND DISADVANTAGES OF WORKING WITH WINDOWS.
Abstract
Hozirgi zamonaviy axborot texnologiyalari rivojlangan bir davrda kompyuter texnikalari inson hayotida muhim ahamiyatga ega va barcha sohalarida keng qo‘llanilmoqda. Ta’lim, tibbiyot, iqtisodiyot, ishlab chiqarish, bank tizimi va boshqa ko‘plab yo‘nalishlarda kompyuter texnologiyalarining o’rni tobora ortib bormoqda. Kompyuterning samarali ishlashi esa, avvalo, operatsion tizimga bog‘liqdir. Operatsion tizim foydalanuvchi bilan kompyuter o‘rtasidagi asosiy vosita hisoblanadi. Bugungi kunda eng keng tarqalgan operatsion tizimlardan biri bu Microsoft kompaniyasi tomonidan ishlab chiqilgan Windows operatsion tizimidir. Windows o‘zining qulay interfeysi, foydalanishdagi soddaligi, ko‘plab dasturlar bilan mosligi va xavfsizlik imkoniyatlari sababli dunyo bo‘ylab millionlab foydalanuvchilar tomonidan ishlatiladi. Windows operatsion tizimi oddiy foydalanuvchilar, talabalar, o‘qituvchilar, dasturchilar, shifokorlar va turli tashkilotlar uchun keng imkoniyatlarni yaratib beradi. Mazkur maqolada Windows operatsion tizimining afzalliklari, imkoniyatlari va undan foydalanishdagi qulayliklari va kamchiliklari haqida to’liqroq ma’lumot beriladi.