VIRTUAL REALLIKNING ZAMONAVIY HAYOTGA TASIRINI FALSAFIY BASHORATLASH

Virtual reallik texnologiyalarining jadal rivojlanishi zamonaviy jamiyat hayotining kognitiv, ijtimoiy va madaniy tuzilmalariga sezilarli ta’sir ko‘rsatmoqda. Mazkur jarayon ilmiy va falsafiy bashorat masalasini dolzarb muammoga aylantirmoqda. Ushbu maqolaning maqsadi virtual reallikning zamonaviy hayotga ta’sirini falsafiy-gnoseologik va sinergetik yondashuv asosida bashoratlashdan iborat. Tadqiqot texnologik determinizm yoki sof futuristik qarashlardan farqli o‘laroq, virtual reallikni inson bilishi, tajribasi va ijtimoiy munosabatlarini o‘zgartiruvchi murakkab, nochiziqli tizim sifatida tahlil qiladi. Tadqiqot metodologiyasi sinergetik-falsafiy tahlil, konseptual modellashtirish, taqqoslama va gnoseologik rekonstruksiya usullariga tayangan. Ushbu metodlar virtual reallikning kognitiv jarayonlar, ijtimoiy identitet, madaniy qadriyatlar hamda axloqiy me’yorlarga ta’sir etish mexanizmlarini aniqlash imkonini beradi. Tadqiqot natijasida virtual reallik ta’sirining qisqa, o‘rta va uzoq muddatli bashorat modellarini o‘z ichiga olgan kontseptual tasnif ishlab chiqildi.

Not yet translated