LAPAROSKOPIK SIMULYATORLARNING TA'LIM JARAYONIDA QO'LLANILISHI
Abstract
Laparoskopik xirurgiya zamonaviy minimal invaziv tibbiyotning eng jadal rivojlanayotgan yo‘nalishlaridan biri hisoblanadi. So‘nggi o‘n yilliklarda laparoskopik amaliyotlar umumiy xirurgiyada standart usul sifatida joriy etildi. Laparoskopik operatsiyalar ochiq jarrohlik usullariga nisbatan kam travmatiklik, operatsiyadan keyingi og‘riq sindromining pastligi, infektsion asoratlar xavfining kamayishi, gospitalizatsiya muddatining qisqarishi va bemorlarning tez reabilitatsiya qilinishi bilan tavsiflanadi. Biroq laparoskopik xirurgiya jarrohdan yuqori darajada maxsus texnik, vizual-motor va kognitiv ko‘nikmalarni talab qiladi. Ikki o‘lchamli monitor orqali ishlash, instrumentlar bilan masofaviy manipulyatsiya qilish, taktil sezgining cheklanganligi va fazoviy orientatsiya qiyinchiliklari klinik amaliyotda xatolar xavfini oshiradi. Shu sababli zamonaviy xirurgik talimda laparoskopik simulyatorlardan foydalanish bemor xavfsizligini taminlash va jarrohlarni klinik amaliyotga bosqichma-bosqich tayyorlashda asosiy o‘rin tutadi. Ushbu obzor maqolada laparoskopik simulyatorlarning tarixiy rivojlanishi, turlari, talim jarayonida qo‘llanilishi, simulyatsiya asosida tayyorgarlikning klinik xavfsizlik va operatsiya natijalarini yaxshilashga tasiri zamonaviy ilmiy dalillar asosida keng qamrovda tahlil qilinadi.
Not yet translated